(၁)
ဒီနေ့ လာနေကျ လမ်းအတိုင်း
လျှောက်လှမ်းလာတုန်း
ကောင်းကင်ကြီးက အုံ့မှိုင်းလို့
မိုးတွေ ရွာသွန်းဖြိုးတော့မလိုပဲ
မာယာများတဲ့ မိုးကောင်းကင်
ကျွန်တော် ချစ်တဲ့ သူမ အတိုင်းပါပဲ
လေတွေ တိုက်တုန်းခနတော့
လွမ်းနေတုန်းပဲ...
(၂)
ဘာကို စောဒက တက်နိုင်မလဲ
ငါ့ ကံကြမ္မာက ဆိုးဝါးလွန်းခဲ့လေတော့
နောက်ပြန်တပ်ခေါက်ဖို့ကလွဲရင်
ရှေ့ဆက်တိုးစရာ တံတားလေး တစ်ခု
မင်းမှ ခင်းမပေးခဲ့ပဲလေ..
(၃)
အရာရာတိုင်းကို အကောင်းမမြင်
ရှင်သန်လာခဲ့တဲ့ ရက်တိုင်းမှာ
မင်း အချစ်ကြောင့် ပျော်ရွှင်ခဲ့တယ်
မင်း အချစ်ကြောင့် နာကျင်ခဲ့တယ်
မင်း အချစ်ကြောင့် လွမ်းဆွတ်ခဲ့တယ်
မနက်ဖြန်တိုင်းဟာ မင်းအတွက်ပါလို့
ငါ ကျိန်ဆိုခဲ့တယ်...
(၄)
မင်းအတွက် Joker လေး ဖြစ်ခဲ့သလို
လိုရာစေ အရုပ်ကလေးလဲ ဖြစ်ခဲ့ဖူးတယ်
ဘာကြောင့်များ ဒီလောက်ချစ်နိုင်ရတာလဲ
ကိုယ့်ကိုကိုယ် ပြန်မေးတိုင်း
အဖြေမရှာနိုင်ခဲ့ဘူး
သူမခြေရင်းမှာ ၀ပ်ဆင်းချင်ခဲ့တာ
အိပ်မက်သက်သက်တော့ မဟုတ်ခဲ့ပါ...
ဘာကိုမှ မတောင့်တ ရဲတော့သလို
ငါ့အချစ်တွေလဲ လေဟုန်လျှော့တဲ့
မျှားလို မင်းဆီ မရောက်ခင်
အရှိန် ကုန်ခဲ့တာပါပဲ...
(၅)
အခုရေးနေတဲ့ ကဗျာလေး မဆုံးခင်
ဟိုမရောက်ဒီမရောက်နဲ့
ငါ့လက်ဖျားတွေက သွေးစက်တွေလဲ
တစ်စက်စက် ယိုစီးလျက်...
ကဗျာတစ်ပုဒ်အဆုံးသက်ဖို့
ငါ့ကိုယ်ငါ နာကျင်စေမှန်း မသိခဲ့ဘူး
ငါ သိနေတာ ခံစားမိတာ
တစ်ခုကတော့
ငါ့ ရင်ဘတ်ထဲက နာကျင်နေတိုင်း
ငါ့ မျက်ဝန်းက မျက်ရည်တွေ စီးကျနေတိုင်း
မင်းကို ချစ်နေတုန်းပါလား ဆိုတာကိုတော့
အတိတ်မေ့မသွားခင် အမှတ်တမဲ့
သတိရနေလျက်ပါပဲ...
သစ်ဆန်းခန့်
No comments:
Post a Comment