(၁)
နင်မငိုပါနဲ့
ငါတို့ သံယောဇဉ်ဟာ အသိအမှတ်မပြုခံရတဲ့
ပင့်ကူမျှင် သာသာ ရယ်ပါ...
နိုးတ၀က် အိပ်တ၀က်နဲ့ အိပ်မက်တစ်ခုလို
နင့် ဓါတ်ပုံတွေ Hide လုပ်ပြီး
ငါ့ ဟန်းဖုန်းလေးထဲမှာ လူမသိအောင်
ဝှတ်ထားပြီး ခုချိန်ထိ
ခိုးကြည့်မိနေတုန်းပဲ..
(အဲ့ဒီ ညတိုင်း ငါငိုတယ်)
(၂)
ငါ့လက်ထဲမှာ ဆုပ်ကိုင်ထားတဲ့
နင့်ကို ချစ်တဲ့ အကြောင်း
နင်ကိုယ်တိုင် ဖြေကြည့်မှ
သိနိုင်တော့မယ်..
နင် မသိတဲ့ ငါ့ အားနည်းချက်
တစ်ချို့က မဟာတံတိုင်းတွေလို
ကန့်လန့်ကာ တားဆီးနေလေတော့
အားမတန် မာန်လျှော့ ခဲ့ရပေမယ့်
ငါ လှည့်တကြည့်ကြည့်နဲ့
အိမ်ပြန်ခဲ့တယ်...
ဒီည မှ မိုးတွေ ဘာလို့ ထစ်ချုန်းနေပါလိမ့်?
(အဲ့ဒီ ညတိုင်း ငါငိုတယ်)
(၃)
ပြောပြီးမှ ရတဲ့ နောင်တ တစ်ချို့နဲ့
အကြိမ်ကြိမ် ငါ့စိတ်ကိုငါ
ဒဏ်ရာတွေ ပေးမိတယ်
ဘာကြောင့်ရယ် အဖြေရှာတိုင်း
မနက်မိုးလင်းသွားခဲ့သလို
ငါ့မျက်လုံးတွေလဲ ပိုပိုချိုင့်ဝင်လာခဲ့တယ်...
အရာအားလုံးထက် ပိုတန်ဖိုးထားတဲ့
မိန်းကလေးရယ်
မင်းမသိပါစေနဲ့တော့..
ဒီလို အမှောင်ထုထဲမှာ ငါနေသားကျခဲ့ပါပြီ..
(အဲ့ဒီ ညတိုင်း ငါငိုတယ်)
သစ်ဆန်းခန့်
No comments:
Post a Comment